نەپىس – نۇر بۇلىقى – رىسالەئى نۇر https://nurbuliqi.com ئىمان ھەم نۇردۇر، ھەم قۇۋۋەتتۇر Wed, 25 Nov 2020 08:32:43 +0000 tr hourly 1 https://wordpress.org/?v=6.9.4 https://nurbuliqi.com/wp-content/uploads/2024/08/cropped-nb_logo-32x32.jpg نەپىس – نۇر بۇلىقى – رىسالەئى نۇر https://nurbuliqi.com 32 32 !ئۇنۇتقاقلىق -دىققەت https://nurbuliqi.com/%d8%a6%db%87%d9%86%db%87%d8%aa%d9%82%d8%a7%d9%82%d9%84%d9%89%d9%82-%d9%83%db%90%d8%b3%d9%89%d9%84%d9%89-%d8%af%d9%89%d9%82%d9%82%db%95%d8%aa/ https://nurbuliqi.com/%d8%a6%db%87%d9%86%db%87%d8%aa%d9%82%d8%a7%d9%82%d9%84%d9%89%d9%82-%d9%83%db%90%d8%b3%d9%89%d9%84%d9%89-%d8%af%d9%89%d9%82%d9%82%db%95%d8%aa/#respond Wed, 25 Nov 2020 08:31:43 +0000 https://nurbuliqi.com.com/?p=537 («قاستامونۇ لاھىقەسى» كىتابىدىن)

   ئىككىنچى كىشى ۋە ئۇنىڭ مەسىلىسى: رىسالەئى نۇر تالىپلىرىدىن بىر ياش ھافىز(قارى) كۆپ كىشىلەرنىڭ دېگىنىدەك دېدى: «مەندە ئۇنۇتقاقلىق كېسىلى ئېغىرلىشىۋاتىدۇ. نېمە قىلىشىم كېرەك؟»

   مەن دېدىم: «مۇمكىن بولىشىچە نامەھرەملەرگە قارىما. چۈنكى بۇ ھەقتە ھەدىس بار. ئىمامى شافىنىڭ دېگىنىدەك: ھارام نەزەر ئۇنۇتقاقلىق پەيدا قىلىدۇ.»

   شۇنداق، مۇسۇلمانلاردا ھارام نەزەر زىيادىلەشكەنسېرى نەفسى ھەۋەسلەر ھاياجانغا كېلىپ، تېنىدە سۈيئىستېمال بىلەن ھەۋەسكە مەغلۇبىيەت نەتىجىسىدە ھەپتىدە بىر قانچە قېتىم غۇسۇل قىلىشقا مەجبۇر بولىدۇ. شۇڭا تىببى نۇقتىئىنەزەر بويىچە تۇتىۋېلىش قابىلىيىتىدە زەئىپلىشىش كۆرۈلىدۇ.

   بۇ ئەسىردە يېرىم يالىڭاچ بەدەنلەر تۈپەيلىدىن، بولۇپمۇ بۇ ئىسسىق مۇھىت رايونلىرىدا ئۇ سۇئى(يامان) نەزەردىن كەلگەن سۇيىئىستېماللار ئومۇمى بىر ئۇنۇتقاقلىق كېسىلىنى نەتىجە بېرىشكە باشلاۋاتىدۇ. ھەر كىشى ئاز–كۆپ بۇ خىل شىكايەتتە بولماقتا. مانا بۇ ئومۇمى كېسەللىكنىڭ زىيادىلىشىشى بىلەن ھەدىس شەرىفلەر بەرگەن دەھشەتلىك خەۋەرنىڭ تەبىرى كۆرىنىۋاتىدۇ. يەنى دېيىلگەنكى: «ئاخىرزاماندا قارىلارنىڭ كۆكسىدىن قۇرئان كۆتىرىلىپ كېتىدۇ، ئۇنۇتىلىدۇ.» دېمەك بۇ كېسەللىك كۈچىيىپ كېتىدۇ. قۇرئان يادىلاشقا بەزىلەردە بۇ خىل گۇناھلىق نەزەر تۈپەيلى توسالغۇ ھاسىل بولىدۇ ۋە ئۇ ھەدىسنىڭ تەبىرىنى كۆرسىتىدۇ.

لاَ يَعْلَمُ الْغَيْبَ اِلاَّ اللّٰه

(«ئەمىرداغ لاھىقەسى» كىتابىدىن)

  ھاياتىي تارىخىمنى بىلگەنلەرگە مەلۇمدۇركى، ئەللىك بەش يىل بۇرۇن مەن يىگىرمە بەش ياشلاردىكى چىغىمدا بىتلىس شەھرىدە مەرھۇم ۋالى ئۆمەر پاشانىڭ ئۆيىدە ئۇنىڭ زورلىشى ۋە ئىلىمگە بەكمۇ ھۆرمىتى سەۋەبلىك ئىككى يىل تۇرۇپ قالدىم. ئۇنىڭ ئالتە قىزى بارئىدى. ئۈچى چوڭ، ئۈچى كىچىك. مەن ئۇ ئۈچ چوڭىنى ئىككى يىل بىر ئائىلىدە ياشىغان تۇرۇغلۇق بىر–بىرىدىن ئايرىپ تونىمايتتىم، بىلمەيتتىم. چۈنكى دىققىتىمگە ئالمايتتىم. ھەتتا بىر ئالىم مېھمىنىمىز يېنىمغا كەلدى. ئىككى كۈن ئىچىدە ئۇلارنى بىر–بىرىدىن ئايرىدى، تونىدى. باشقىلار مەندىكى بۇ ھالغا ھەيران بولۇپ سوراشتى: «نېمىشقا قارىمايسەن؟» دەيتتىم: «ئىلىمنىڭ ئىززىتىنى مۇھاپىزەت قىلىش مېنى قاراتمايدۇ.»

  ۋە يەنە قىرىق يىل بۇرۇن ئىستانبۇلدا كاغىتخانىدىكى بىر مۇراسىم كۈنىدە، كۆۋرۈكتىن تا كاغىتخانىغىچە بولغان بوغازنىڭ ئىككى ياقىسىدا قاتارىسىغا مىڭلارچە يېرىم يالىڭاچ رۇم، ئەرمەنى ۋە ئىستانبۇللۇق ئاياللار ۋە قىزلار تۇرۇشقان ئىكەن. ئۇ ۋاقىت مەن پارلامېنت ئەزالىرى مەرھۇم موللا سەييىد تاھا ۋە ھاجى ئىلياس بىلەن بىللە بىر قېيىققا چىقىپ، ئۇ ئاياللارنىڭ يانلىرىدىن ئۆتىۋاتاتتۇق. مېنىڭ ھېچ خەۋىرىم يوقتى. ھالبۇكى موللا تاھا ۋە ھاجى ئىلياس ئىككىسى مېنى سىناپ بېقىشقا نىيەت قىلىشقانلىقىنى ۋە نۆۋەت بىلەن مېنى كۆزىتىشكەنلىكىنى بىر سائەتلىك يول تۈگىگەندىن كېيىن ئېتىراپ قىلىشىپ دېيىشتى: «سېنىڭ بۇ ھالىڭغا ھەيران قالدۇق، ھېچ قارىمىدىڭ!» دېدىمكى: «كېرەكسىز، ئۆتكۈنچى ۋە گۇناھلىق لەززەتلەرنىڭ ئاقىۋىتى ئەلەملەر ۋە پۇشايمانلار بولغانلىقتىن خالىمايمەن.»

]]> https://nurbuliqi.com/%d8%a6%db%87%d9%86%db%87%d8%aa%d9%82%d8%a7%d9%82%d9%84%d9%89%d9%82-%d9%83%db%90%d8%b3%d9%89%d9%84%d9%89-%d8%af%d9%89%d9%82%d9%82%db%95%d8%aa/feed/ 0 ھەر كىشىگە پايدىسى بار https://nurbuliqi.com/%da%be%db%95%d8%b1-%d9%83%d9%89%d8%b4%d9%89%da%af%db%95-%d9%be%d8%a7%d9%8a%d8%af%d9%89%d8%b3%d9%89-%d8%a8%d8%a7%d8%b1/ https://nurbuliqi.com/%da%be%db%95%d8%b1-%d9%83%d9%89%d8%b4%d9%89%da%af%db%95-%d9%be%d8%a7%d9%8a%d8%af%d9%89%d8%b3%d9%89-%d8%a8%d8%a7%d8%b1/#respond Thu, 16 Feb 2017 09:11:58 +0000 https://nurbuliqi.com.com/?p=531 27–لەمئادىن:

(بۇ پارچىنىڭ ھەر كىشىگە پايدىسى بار.)

بِسْمِ اللّهِ الرَّحْمنِ الرَّحِيمِ

﴿اِنَّ النَّفْسَ َلاَمَّارَةٌ بِالسُّوءِ﴾

(سۇرە يۇسۇف:53)

مەنىسى: «نەفىس دائىم يامانلىققا باشلايدۇ» ئايىتىنىڭ، ھەمدە «سېنىڭ ئەڭ زىيانلىق دۈشمىنىڭ نەفسىڭدۇر» مەنىسىدىكى

اَعْدَى عَدُوِّكَ نَفْسُكَ الَّتِى بَيْنَ جَنْبَيْكَ

دېگەن ھەدىسنىڭ بىر سىرىدۇر.

تەربىيەلەنمىگەن نەفسى ئەممارىسى بولۇش شەرتى بىلەن ئۆز نەفسىنى ياقتۇرغان ۋە سۆيگەن ئادەم باشقىلارنى سۆيمەيدۇ. ئەگەر سىرتقى جەھەتتىن سۆيسىمۇ سەمىمىي ھالدا سۆيمەيدۇ. بەلكى ئۇنىڭدىن كېلىدىغان مەنپەئەت ۋە لەززەتنى سۆيىدۇ. دائىم ئۆزىنى باشقىلارنىڭ ياقتۇرىشى ۋە سۆيىشى ئۈچۈن تىرىشىدۇ. قۇسۇرنى ئۆزىگە ئالمايدۇ. بەلكى ئادۋوكاتتەك ئۆزىنى مۇداپىئە قىلىپ ئاقلايدۇ. مۇبالىغىلار، ھەتتا يالغانلار ئارقىلىق نەفسىنى خۇددى مۇقەددەسلىككە چىقارغاندەك ئاقلايدۇ ۋە ماختايدۇ. دەرىجىسىگە قارىتا

﴿مَنِ اتَّخَذَ اِلهَهُ هَوَيهُ﴾

(ھەۋايى–ھەۋىسىنى ئىلاھ قىلىۋالغانلار…سۇرە فۇرقان:43)

ئايىتىنىڭ بىر كاچىتىنى يەيدۇ. ماختىنىشقا ۋە سۆيدۈرۈشكە تىرىشقانسېرى، دەل تەتۈرىسىگە يامان كۆرۈشنى جەلپ قىلىدۇ، سوغۇقچىلىق تۇغدۇرىدۇ. شۇنداقلا ئاخىرەتلىك ئەمەللىرىدە ئىخلاسنى يوقىتىپ، رىيانى ئارىلاشتۇرىدۇ. ئاقىۋەتنى كۆرمىگەن، نەتىجىلەرنى ئويلانمىغان، ھەمدە ھازىرقى لەززەتكىلا مۇپتىلا بولغان ھاۋايى ھەۋىسى ۋە نەفسى خاھىشىغا مەغلۇپ بولۇپ، يولدىن ئازغان ھېسلىرىنىڭ پەتىۋاسى بىلەن بىر سائەتلىك لەززەتنى دەپ بەلكىم بىر يىل تۈرمىدە ياتىدۇ. بىر مىنۇتلۇق تەكەببۇرلۇق ياكى ئىنتىقام يۈزسىدىن ئون يىل جازا كۆرىدۇ. خۇددى دەرس ئېلىۋاتقان ئەممە پارىسىنى بىر تال كەمپۈتكە ساتقان، ھاۋايى نەفسىگە ئەگەشكەن كىچىك بالىدەك، ھېسلىرىنى قاندۇرۇش ھاۋايى نەفسىنى مەمنۇن قىلىش ۋە ھەۋىسىنى رازى قىلىش ئۈچۈن ئالماس قىممىتىدە بولغان خەيرلىك ئەمەللىرىنى قەدىر–قىممىتى يوق شىشە پارچىلىرى ھۆكمىدىكى لەززەتلەرگە، مەنمەنچىلىكلەرگە ۋاستە قىلىپ خەيرلىك ئىشلاردا ھەسرەت ۋە زىيان قازىنىۋالىدۇ.

اَللّهُمَّ احْفَظْنَا مِنْ شَرِّ النَّفْسِ وَالشَّيْطَانِ وَمِنْ شَرِّ الْجِنِّ وَاْلاِنْسَانِ

(ئى ﷲ! بىزنى نەفسنىڭ ۋە جىننىي ۋە ئىنسىي شەيتانلارنىڭ شەررىدىن مۇھاپىزەت قىل!)

]]> https://nurbuliqi.com/%da%be%db%95%d8%b1-%d9%83%d9%89%d8%b4%d9%89%da%af%db%95-%d9%be%d8%a7%d9%8a%d8%af%d9%89%d8%b3%d9%89-%d8%a8%d8%a7%d8%b1/feed/ 0