تاللانغان ماقالىلەر – نۇر بۇلىقى – رىسالەئى نۇر https://nurbuliqi.com ئىمان ھەم نۇردۇر، ھەم قۇۋۋەتتۇر Tue, 26 Apr 2022 11:13:25 +0000 tr hourly 1 https://wordpress.org/?v=6.9.1 https://nurbuliqi.com/wp-content/uploads/2024/08/cropped-nb_logo-32x32.jpg تاللانغان ماقالىلەر – نۇر بۇلىقى – رىسالەئى نۇر https://nurbuliqi.com 32 32 رامىزانى شەرىپتىكى روزىنىڭ توغرىدىن-توغرا نەفسنىڭ مەۋھۇم رۇبۇبىيىتىنى سۇندۇرۇش ۋە ئاجىزلىقىنى كۆرسىتىش ئارقىلىق قۇللىقىنى بىلدۈرۈش جەھەتتىكى ھىكمەتلىرى https://nurbuliqi.com/%d8%b1%d8%a7%d9%85%d9%89%d8%b2%d8%a7%d9%86%d9%89-%d8%b4%db%95%d8%b1%d9%89%d9%be%d8%aa%d9%89%d9%83%d9%89-%d8%b1%d9%88%d8%b2%d9%89%d9%86%d9%89%da%ad-%d8%aa%d9%88%d8%ba%d8%b1%d9%89%d8%af%d9%89%d9%86/ https://nurbuliqi.com/%d8%b1%d8%a7%d9%85%d9%89%d8%b2%d8%a7%d9%86%d9%89-%d8%b4%db%95%d8%b1%d9%89%d9%be%d8%aa%d9%89%d9%83%d9%89-%d8%b1%d9%88%d8%b2%d9%89%d9%86%d9%89%da%ad-%d8%aa%d9%88%d8%ba%d8%b1%d9%89%d8%af%d9%89%d9%86/#respond Tue, 26 Apr 2022 10:04:24 +0000 https://nurbuliqi.com.com/?p=1168   توققۇزىنچى نۇقتا: رامىزانى شەرىپتىكى روزىنىڭ توغرىدىن–توغرا نەفسنىڭ مەۋھۇم رۇبۇبىيىتىنى سۇندۇرۇش ۋە ئاجىزلىقىنى كۆرسىتىش ئارقىلىق قۇللىقىنى بىلدۈرۈش جەھەتتىكى ھىكمەتلىرىدىن بىر ھىكمىتى شۇدۇركى: نەفس رەببىنى تونۇشنى خالىمايدۇ ۋە پىرئەۋنلارچە ئۆز–ئۆزىگە رۇبۇبىيەت خالايدۇ. نەقەدەر ئازاپلار بىرىلسىمۇ ئۇ ھېس ئۇنىڭدا قالىدۇ. بىراق ئاچلىق ئارقىلىق ئۇ ھېس سۇنىدۇ… مانا بۇ رامىزاندىكى روزا بولسا بىۋاستە نەفسنىڭ پىرئەۋنلىك ئىستىھكامىغا زەربە بېرىدۇ، سۇندۇرىدۇ، ئاجىزلىقىنى، زەئىپلىكىنى، پېقىرلىقىنى كۆرسىتىپ قۇل ئىكەنلىكىنى بىلدۈرىدۇ.

  ھەدىس رىۋايەتلىرىدە باردۇركى: جانابى ﷲ نەفستىن سوراپتۇ: «سەن كىم، مەن كىم؟» نەفس دەپتۇ: «مەن دېگەن مەن، سەن دېگەن سەن!». ئاندىن ئازاپ بېرىپتۇ، جەھەننەمگە تاشلاپتۇ. يەنە سورىسا يەنە «مەن مەن، سەن سەن.» دەپتۇ. قايسى خىل ئازاپ بەرسىمۇ مەنمەنچىلىكتىن ۋاز كەچمەپتۇ. كېيىن ئاچلىق بىلەن ئازاپ بېرىپتۇ، يەنى ئاچ قويۇپتۇ. يەنە سوراپتۇ: «مەن كىم، سەن كىم؟» ئاندىن نەفس دەپتۇكى: اَنْتَ رَبِّى الرَّحِيمُ وَاَنَا عَبْدُكَ الْعَاجِزُ يەنى: «سەن مېنىڭ رەھىملىك رەببىمسەن، مەن سېنىڭ ئاجىز قۇلۇڭمەن…».

ئەسكەرتىش:

شۇ ئىككىنچى قىسىم (قىرىق مىنۇتتا) بەكمۇ تېز يېزىلغانلىقتىن، مەن ۋە كاتىپ ئىككەيلەن كېسەل بولغانلىقىمىزدىن ئەلبەتتە ئىچىدە بەزى قالايمىقان ۋە قۇسۇرلۇق جۈملىلەر بولۇپ قالىدۇ. قېرىنداشلىرىمىزنىڭ توغرا چۈشنىشىنى سورايمىز. مۇناسىپ كۆرگەنلىرىنى تۈزىتىۋالسا بولىدۇ.

]]> https://nurbuliqi.com/%d8%b1%d8%a7%d9%85%d9%89%d8%b2%d8%a7%d9%86%d9%89-%d8%b4%db%95%d8%b1%d9%89%d9%be%d8%aa%d9%89%d9%83%d9%89-%d8%b1%d9%88%d8%b2%d9%89%d9%86%d9%89%da%ad-%d8%aa%d9%88%d8%ba%d8%b1%d9%89%d8%af%d9%89%d9%86/feed/ 0 رامىزانى شەرىپتىكى روزىنىڭ قۇرئانى ھەكىمنىڭ نازىل بولۇشىغا قارىغان جەھەتى https://nurbuliqi.com/%d8%b1%d8%a7%d9%85%d9%89%d8%b2%d8%a7%d9%86%d9%89-%d8%b4%db%95%d8%b1%d9%89%d9%be%d8%aa%d9%89%d9%83%d9%89-%d8%b1%d9%88%d8%b2%d9%89%d9%86%d9%89%da%ad-%d9%82%db%87%d8%b1%d8%a6%d8%a7%d9%86%d9%89-%da%be/ https://nurbuliqi.com/%d8%b1%d8%a7%d9%85%d9%89%d8%b2%d8%a7%d9%86%d9%89-%d8%b4%db%95%d8%b1%d9%89%d9%be%d8%aa%d9%89%d9%83%d9%89-%d8%b1%d9%88%d8%b2%d9%89%d9%86%d9%89%da%ad-%d9%82%db%87%d8%b1%d8%a6%d8%a7%d9%86%d9%89-%da%be/#respond Tue, 26 Apr 2022 07:44:14 +0000 https://nurbuliqi.com.com/?p=1162   ئالتىنچى نۇقتا: رامىزانى شەرىپتىكى روزىنىڭ قۇرئانى ھەكىمنىڭ نازىل بولۇشىغا ۋە رامىزاننىڭ قۇرئانى ھەكىمنىڭ نازىل بولغان ئەڭ مۇھىم ۋاقتى ئىكەنلىكىگە قارىغان كۆپلىگەن ھىكمەتلىرىدىن بىرى شۇدۇركى: قۇرئانى ھەكىم رامىزان ئېيىدا نازىل بولغاچقا، ئۇ قۇرئاننىڭ چۈشۈش ۋاقتىنى ئىنتىزار بىلەن، ئۇ ساماۋى خىتابنى ئالقىشلاش ئۈچۈن بۇ ئايدا نەفسنىڭ پەس ھاجەت ۋە مەنىسىز ھالەتلىرىدىن سىيرىلىپ چىقىپ، يەپ–ئىچىشنى تەرك قىلىپ، خۇددى پەرىشتە كەبى بولۇش، شۇنداقلا، بىر جەھەتتە قۇرئاننى يېڭى نازىل بولۇۋاتقاندەك ئوقۇش ۋە تىڭشاش، ھەمدە ئۇنىڭدىكى ئىلاھى خىتابلارنى گويا دەل نازىل بولۇۋاتقان ۋاقتىدا ئاڭلاۋاتىمەن، دەپ ئاڭلاش ياكى ئۇ خىتابلارنى رەسۇلى ئەكرەم ئەلەيھىسسالاتۇ ۋەسسالامدىن ئاڭلاۋاتقاندەك بىر ھالەتكە كىرىش، ھەتتا ھەزرىتى جىبرىئىل ۋە ھەتتا ئەزەلى مۇتەكەللىم(سۆزلىگۈچى) بولغان ﷲتىن ئاڭلاۋاتقاندەك بولۇشقا ئوخشاش مۇقەددەس ھالەتكە مۇيەسسەر بولىدۇ. ئۆزىنىڭمۇ تەرجىمانلىق قىلپ باشقىلارغا ئاڭلىتىش ۋە قۇرئاننىڭ نازىل بولۇش ھىكمىتىنى بەلگىلىك نىسبەتتە كۆرسىتىش ئارزۇسىنى ئويغىتىدۇ.

  شۇنداق، رامىزانى شەرىپتە ئالەمى ئىسلام گويا بىر مەسچىت ھۆكمىگە ئۆتىدۇ. شۇنداق بىر مەسچىتكى، مىليونلارچە قارىلار ئۇ چوڭ مەسچىتنىڭ ھەر تەرىپىدە ئۇ قۇرئاننى، ئۇ ساماۋى خىتابىنى يەر شارىلىقلارغا ئاڭلىتىشىدۇ. ھەر رامىزان ﴿شَهْرُ رَمَضَانَ الَّذِى اُنْزِلَ فِيهِ الْقُرْآنُ﴾ ئايىتىنى نۇرانىي ۋە پارلاق بىر تەرزدە كۆرسىتىدۇ. رامىزاننىڭ قۇرئان ئېيى ئىكەنلىكىنى ئىسپات قىلىدۇ. ئۇ ھەشەمەتلىك جامائەتلەرنىڭ بەزىلىرى خۇشۇئ بىلەن ئۇ قارىلارنى تىڭشايدۇ. بەزىلىرى ئۆزلىرى ئوقۇشىدۇ.

  شۇنداق بىر ۋەزىيەتتىكى مۇقەددەس مەسچىتتە پەس نەفسنىڭ ھەۋەسلىرىگە بويسۇنۇپ يەپ–ئىچىش بىلەن ئۇ نۇرانىي ۋەزىيەتتىن چىقىش نەقەدەر يىرگىنچلىك ئەھۋال بولسا، ھەمدە ئۇ مەسچىتتىكى جامائەتنىڭ مەنىۋى نەپرىتىگە نە قەدەر دۇچار بولسا، ئوخشاشلا رامىزانى شەرىپتە روزا تۇتقۇچىلارغا زىت ھەرىكەت قىلغانلارمۇ شۇ قەدەر دەرىجىدە ئۇ ئىسلام ئالىمىنىڭ مەنىۋى نەپرىتىگە ۋە ھاقارىتىگە دۇچاردۇر.

———————————————–

*خۇشۇئ : مۇھەببەت ئارىلاشقان قورقۇنچ.

]]> https://nurbuliqi.com/%d8%b1%d8%a7%d9%85%d9%89%d8%b2%d8%a7%d9%86%d9%89-%d8%b4%db%95%d8%b1%d9%89%d9%be%d8%aa%d9%89%d9%83%d9%89-%d8%b1%d9%88%d8%b2%d9%89%d9%86%d9%89%da%ad-%d9%82%db%87%d8%b1%d8%a6%d8%a7%d9%86%d9%89-%da%be/feed/ 0 رامىزان روزىسىنىڭ، دۇنياغا ئاخىرەتلىك ھوسۇل ۋە پايدا ئۈچۈن تېرىش جەھەتىگە قارىغان تەرىپى https://nurbuliqi.com/%d8%b1%d8%a7%d9%85%d9%89%d8%b2%d8%a7%d9%86-%d8%b1%d9%88%d8%b2%d9%89%d8%b3%d9%89%d9%86%d9%89%da%ad%d8%8c-%d8%af%db%87%d9%86%d9%8a%d8%a7%d8%ba%d8%a7-%d8%a6%d8%a7%d8%ae%d9%89%d8%b1%db%95%d8%aa%d9%84/ https://nurbuliqi.com/%d8%b1%d8%a7%d9%85%d9%89%d8%b2%d8%a7%d9%86-%d8%b1%d9%88%d8%b2%d9%89%d8%b3%d9%89%d9%86%d9%89%da%ad%d8%8c-%d8%af%db%87%d9%86%d9%8a%d8%a7%d8%ba%d8%a7-%d8%a6%d8%a7%d8%ae%d9%89%d8%b1%db%95%d8%aa%d9%84/#respond Tue, 26 Apr 2022 07:43:51 +0000 https://nurbuliqi.com.com/?p=1164   يەتتىنچى نۇقتا: رامىزان روزىسىنىڭ، دۇنياغا ئاخىرەتلىك ھوسۇل ۋە پايدا ئۈچۈن تېرىش ۋە تىجارەت قىلىشقا كەلگەن ئىنسانلارنىڭ تاپاۋىتىگە قارىغان جەھەتتىكى كۆپ ھىكمەتلىرىدىن بىر ھىكمىتى شۇدۇركى: رامىزانى شەرىپتە ئەمەللەرنىڭ ساۋابى بىرگە مىڭدۇر. ھەدىسنىڭ ئېنىق ئىپادىسى بويىچە قۇرئانى ھەكىمنىڭ ھەر بىر ھەرپىنىڭ ئون ساۋابى بار، ئون ھەسەنە (ياخشىلىق) يېزىلىدۇ. ئون جەننەت مېۋىسى بېرىدۇ. رامىزانى شەرىپتە بولسا، ھەر بىر ھەرپنىڭ ئون ئەمەس، مىڭ، «ئايەتەل كۇرسى»دەك ئايەتلەرنىڭ ھەر بىر ھەرپىنىڭ مىڭلارچە، رامىزاننىڭ جۈمەلىرىدە تېخىمۇ كۆپ، قەدىر كېچىسىدە بولسا ئوتتۇز مىڭ ساۋابى بولىدۇ.

  شۇنداق، ھەر بىر ھەرپى ئوتتۇز مىڭ باقى مېۋە بەرگەن قۇرئانى ھەكىم، شۇنداق بىر نۇرانى تۇبا دەرىخى ھۆكمىگە ئۆتىدۇكى، مىليونلارچە ئۇ باقى مېۋىلەرنى رامىزانى شەرىپتە مۆئمىنلەرگە قازاندۇرىدۇ. مانا كەل، بۇ مۇقەددەس ۋە ئەبەدى بولغان پايدىلىق تىجارەتكە قارا، كۆر ۋە ئويلان. بۇ ھەرپلەرنىڭ قەدىر–قىممىتىنى تۆۋەن كۆرگەنلەرنىڭ نەقەدەر چەكسىز زىياندا ئىكەنلىكىنى چۈشەن.

  دېمەك، رامىزانى شەرىپ ئاخىرەت تىجارىتى ئۈچۈن خۇددى غايەت مەنپەئەتلىك بىر بازار، بىر يەرمەنكىدۇر. ئاخىرەتلىك مەھسۇلات ئۈچۈن غايەت مۈنبەت بىر ئېتىزدۇر. ئەمەللەرنىڭ ھەسسىلىنىشى (ئۆسۈپ چىقىشى) ئۈچۈن باھاردىكى ئاپرىل ئېيىدۇر. ئىنسانلارنىڭ ﷲنىڭ رۇبۇبىيەت سەلتەنىتىگە قارىتا ئىبادەت بىلەن «پاراتتىن ئۆتىشى» ئۈچۈن ئەڭ پارلاق ۋە مۇقەددەس بىر بايرام ھۆكمىدىدۇر. شۇڭلاشقا يەپ–ئىچىشتەك نەفسنىڭ غەپلەتلىك ھايۋانىي ھاجەتلىرى ۋە مەنىسىز ھاۋايى–ھەۋەسلىرى بىلەن مەشغۇل بولماسلىقى ئۈچۈن روزا تۇتۇش ۋەزىپە بولغاندۇر. گويا ۋاقىتلىق ھايۋانىيەتتن چىقىپ پەرىشتە ۋەزىيىتىگە ياكى ئاخىرەتلىك تىجارەت دائىرىسىگە كىرگەنلىكى ئۈچۈن، دۇنياۋى ھاجەتلىرىنى ۋاقىتلىق تاشلاش ئارقىلىق، ئاخىرەتلىك بىر ئادەم ۋە جىسىملىشىپ كۆرۈنگەن بىر روھ ھالىتىگە كىرىپ، روزىسى بىلەن سەمەدانىيەتكە بىر خىل ئەينەكدارلىق رولىنى ئوينايدۇ.

  شۇنداق، رامىزانى شەرىپ بۇ فانىي دۇنيا، فانىي ئۆمۈر ئىچىدە ۋە قىسقا بىر ھاياتتا، باقى بىر ئۆمۈر ۋە ئۇزۇن بىر باقىي ھاياتنى ئۆز ئىچىگە ئالىدۇ، قازاندۇرىدۇ. شۇنداق، بىر رامىزان سەكسەن يىللىق بىر ئۆمۈر نەتىجىلىرىنى قازاندۇرالايدۇ. قەدىر كېچىسىنىڭ قۇرئان ئىپادىسى بويىچە مىڭ ئايدىنمۇ خەيرلىك ئىكەنلىكى بۇ سىرغا قەتئىي دەلىلدۇر.

  مىسال، بىر پادىشاھ سەلتەنەت مۇددىتى ئىچىدە، ھەتتا ھەر يىلى «تەختكە چىقىش مۇراسىمى» نامىدا ياكى باشقا بىر سەلتەنىتىنى ھەشەمەتلىك ھالدا ئەكس ئەتتۈرۈپ بېرىدىغان بەزى كۈنلەرنى بايرام قىلپ بېكىتىدۇ. ئۆز خەلقىگە ئۇ كۈنى ئومۇمى قانۇنلىرى بويىچە ئەمەس، بەلكى خۇسۇسى ئىلتىپاتلىرى، پەردىسىز كۆرۈشۈش، پەۋقۇلئاددە ئەمىر، ئالاھىدە ئىمتىياز بىلەن، ساداقەتمەن ۋە لايىق خىزمەتچىلەرگە بولسا شاھانە مۇكاپاتلار بىلەن مۇئامىلە قىلىدۇ. شۇنىڭغا ئوخشاشلا، ئەزەل ۋە ئەبەد سۇلتانى بولغان ئون سەككىز مىڭ ئالەمنىڭ مۇقەددەس پادىشاھى، ئۇ ئون سەككىز مىڭ ئالەمگە قارىغان، (ھىدايىتى) بىلەن يۈزلەنگەن ئالى پەرمانى بولغان قۇرئانى ھەكىمنى رامىزانى شەرىپتە نازىل قىلغاندۇر. ئەلۋەتتە شۇنداق بىر رامىزاننىڭ مەخسۇس بىر ئىلاھى بايرام، رەببانىي** بىر يەرمەنكە ۋە روھانىي بىر مەجلىس ھۆكمىگە ئۆتۈشى ھىكمەتنىڭ تەلىپىدۇر.

  خوش، رامىزان شۇ خىل بايرام بولغان ئىكەن، ئەلۋەتتە پەس ۋە ھايۋانىي مەشغۇلىيەتلەردىن ئىنسانلارنى بىر ئاز تارتىش ئۈچۈن روزا تۇتۇشقا ئەمىر قىلىنىدۇ. ئۇ روزىنىڭ ئەڭ مۇكەممىلى بولسا، ئاشقازاندەكلا، پۈتۈن ھېس–تۇيغۇلىرىغا: كۆزى، قۇلىقى، قەلبى، خىيالى ۋە پىكرىدەك ئىنسانىي تۈزۈلمىلىرىگە بىر تۈرلۈك روزا تۇتقۇزۇشتۇر. يەنى ھاراملاردىن، مەنىسىز ئىشلاردىن تارتىپ، ھەر بىرىسىنى مەخسۇس ئىبادەتلەرگە يۈزلەندۈرۈشتۇر.

  مەسىلەن: تىلنى يالغاندىن، غەيۋەتتىن ۋە سەت گەپلەردىن ئايرىش ئارقىلىق ئۇنىڭغا روزا تۇتقۇزۇش. شۇنداقلا قۇرئان تىلاۋىتى، زىكىر، تەسبىھ، سالاۋات (دۇرۇت) ۋە تۆۋبە–ئىستىغفاردەك ئىشلار بىلەن مەشغۇل قىلىش… كۆزنى بولسا، نامەھرەملەرگە قاراشتىن، قۇلاقنى يامان نەرسىلەرنى ئاڭلاشتىن مەنئى قىلىپ، كۆزنى ھەقىقەتلەرگە يۈزلەندۈرىدىغان نەرسىلەرگە، قۇلاقنى ھەق سۆز ۋە قۇرئان ئاڭلاشقا سەرپ قىلىشتەك باشقا بارلىق ھېس–تۇيغۇلارغىمۇ بىر خىل روزا تۇتقۇزۇشتۇر. ھېلىمۇ ئاشقازان ئەڭ چوڭ بىر زاۋۇت بولغانلىقى ئۈچۈن، روزا ئارقىلىق ئۇنىڭ پائالىيىتى توختىتىلسا، باشقا كىچىك سېخلارنى ئوڭاي بويسۇندۇرغىلى بولىدۇ.

———————————————–

سەمەدانىيەت: (ﷲنىڭ) ھەممە نەرسە ئۇنىڭغىلا مۇھتاج بولۇپ، ئۆزى ھېچ نەرسىگە مۇھتاج بولمىغان سۈپىتى*

رەببانىي: «رەب»(پەرۋەردىگار) ئىسمىغا ئائىت، ئىلاھى**

]]> https://nurbuliqi.com/%d8%b1%d8%a7%d9%85%d9%89%d8%b2%d8%a7%d9%86-%d8%b1%d9%88%d8%b2%d9%89%d8%b3%d9%89%d9%86%d9%89%da%ad%d8%8c-%d8%af%db%87%d9%86%d9%8a%d8%a7%d8%ba%d8%a7-%d8%a6%d8%a7%d8%ae%d9%89%d8%b1%db%95%d8%aa%d9%84/feed/ 0 رامىزانى شەرىپتىكى روزىنىڭ نەفسنى تەربىيە قىلىشقا قارىغان جەھەتتىكى كۆپ ھىكمەتلىرىدىن بىر ھىكمىتى https://nurbuliqi.com/%d8%b1%d8%a7%d9%85%d9%89%d8%b2%d8%a7%d9%86%d9%89-%d8%b4%db%95%d8%b1%d9%89%d9%be%d8%aa%d9%89%d9%83%d9%89-%d8%b1%d9%88%d8%b2%d9%89%d9%86%d9%89%da%ad-%d9%86%db%95%d9%81%d8%b3%d9%86%d9%89-%d8%aa%db%95/ https://nurbuliqi.com/%d8%b1%d8%a7%d9%85%d9%89%d8%b2%d8%a7%d9%86%d9%89-%d8%b4%db%95%d8%b1%d9%89%d9%be%d8%aa%d9%89%d9%83%d9%89-%d8%b1%d9%88%d8%b2%d9%89%d9%86%d9%89%da%ad-%d9%86%db%95%d9%81%d8%b3%d9%86%d9%89-%d8%aa%db%95/#respond Wed, 14 Apr 2021 11:14:30 +0000 https://nurbuliqi.com.com/?p=1158   تۆتىنچى نۇقتا: رامىزانى شەرىپتىكى روزىنىڭ نەفسنى تەربىيە قىلىشقا قارىغان جەھەتتىكى كۆپ ھىكمەتلىرىدىن بىر ھىكمىتى شۇدۇركى: نەفس ئۆزىنىڭ ھۆر ۋە ئەركىن بولىشىنى خالايدۇ ۋە شۇنداق ئويلايدۇ. ھەتتا مەۋھۇم بىر خۇسۇسىي رۇبۇبىيەتنى ۋە خالىغانچە ھەرىكەت قىلىشنى تەبىئى ھالدا ئارزۇ قىلىدۇ. چەكسىز نىئمەتلەر بىلەن بېقىلىۋاتقانلىقىنى ئويلىنىشنى خالىمايدۇ. بولۇپمۇ دۇنيادا بىر ئاز بايلىق ۋە ئىقتىدارى بولسا، غەپلەتمۇ ياردەم قىلسا، ﷲنىڭ نىئمەتلىرىنى تامامەن ئوغرىلارچە، بۇلاڭ–تالاڭ قىلغاندەك ھايۋان كەبى يۇتىدۇ.

  رامىزان شەرىپتە بولسا، ئەڭ بايدىن ئەڭ پېقىرغىچە ھەر كىمنىڭ نەفسى چۈشىنىدۇكى، ئۆزىگە ئۆزى مالىك (ئىگە) ئەمەس، بەلكى قۇلدۇر. ھۆر ئەمەس، بەلكى باشقا بىرىنىڭ بەندىسىدۇر. ئەمىر بولمىسا ئەڭ ئاددى ۋە ئەڭ راھەت ئىشلارنىمۇ قىلالمايدۇ. قولىنى سۇغا ئۇزىتالمايدۇ، دەپ مەۋھۇم رۇبۇبىيىتى سۇنىدۇ. ھەقىقى قۇللۇققا كىرىدۇ، ھەقىقى ۋەزىپىسى بولغان شۈكۈرگە يۈزلىنىدۇ.

]]> https://nurbuliqi.com/%d8%b1%d8%a7%d9%85%d9%89%d8%b2%d8%a7%d9%86%d9%89-%d8%b4%db%95%d8%b1%d9%89%d9%be%d8%aa%d9%89%d9%83%d9%89-%d8%b1%d9%88%d8%b2%d9%89%d9%86%d9%89%da%ad-%d9%86%db%95%d9%81%d8%b3%d9%86%d9%89-%d8%aa%db%95/feed/ 0 .يا رەببى! خائىنلارنىڭ ئويۇنلىرىنى بۇزۇۋەت https://nurbuliqi.com/%d9%8a%d8%a7-%d8%b1%db%95%d8%a8%d8%a8%d9%89-%d8%ae%d8%a7%d8%a6%d9%89%d9%86%d9%84%d8%a7%d8%b1%d9%86%d9%89%da%ad-%d8%a6%d9%88%d9%8a%db%87%d9%86%d9%84%d9%89%d8%b1%d9%89%d9%86%d9%89-%d8%a8%db%87%d8%b2/ https://nurbuliqi.com/%d9%8a%d8%a7-%d8%b1%db%95%d8%a8%d8%a8%d9%89-%d8%ae%d8%a7%d8%a6%d9%89%d9%86%d9%84%d8%a7%d8%b1%d9%86%d9%89%da%ad-%d8%a6%d9%88%d9%8a%db%87%d9%86%d9%84%d9%89%d8%b1%d9%89%d9%86%d9%89-%d8%a8%db%87%d8%b2/#respond Sat, 09 Jan 2021 05:11:14 +0000 https://nurbuliqi.com.com/?p=1394 https://nurbuliqi.com/wp-content/uploads/2016/09/DUA-2.mp3

يا رەببى! خائىنلارنىڭ ئويۇنلىرىنى بۇزۇۋەت!

  يا رەببى! ئىچىمىزدىكى ۋە سىرىتتىكى دۈشمەنلىرىمىزنىڭ، مۇسۇلمانلارغا قارشى خائىنلارچە مەقسەتلىرىنى، ئۆزىنىڭ بېشىغا ئۆرۈپ قوي!

  يا رەببى! مۇسۇلمانلارغا– بۇ خائىنلارچە پىلان–ئويۇنلارنى پەرىق ئېتەلەيدىغان ۋە بۇ ئۇيۇنلارنىڭ ئىچىدىكى بىر پارچىسى بولۇپ قېلىشتىن ساقلىنىپ، باسىرەت–ئۆتكۈر نەزەر بىلەن ھەرىكەت قىلالايدىغان شۇئۇر ۋە ئىزئان يەنى ئەقىل–ئىدراك ۋە پەم–پاراسەت بەرگىن! دۇنيانى ئورىۋالغان–ئازغۇنلۇق، دىنسىزلىك ۋە يىگانە ھەق دىن بولغان ئىسلامىيەتنى بۇزۇپ تاشلاش ۋە باغلىنىپ بويسۇنغۇچىلىرىنى ئازدۇرۇۋىتىش قاتارلىق ئاپەتلەردىن، ۋەتىنىمىزنى ۋە ئىسلام دىيارلىرىنى مۇھاپىزەت قىلغىن! بۇ ئاپەتنى ئىچىمىزدە، بولۇپمۇ ياشلىرىمىز ئارىسىدا يېيىشقا تىرىشىۋاتقانلارغا، سەن پۇرسەت بەرمە يا رەببى !

  يا رەببى! ھەبلۇللاھىل مەتىن يەنى ئاللاھنىڭ مۇستەھكەم ئارغامچىسى دېيىلىدىغان قۇرئاننىڭ ئەتراپىدا، ئىسلام دۇنياسىنىڭ بىرلىكىنى ۋە ھەم نەپەس بىللە بولىشىنى تەمىن قىلغىن! دۇنيانىڭ قايسى دىيارىدا بولىشىدىن قەتئىي نەزەر، پۈتۈن مۇسۇلمانلارنىڭ ئارىسىدىكى ئىختىلاپ مەسىلىلىرىنى بىتچىت قىلىۋەتكىن! شەخسى مەنپەئەتلىرىنى، مەسلەك ۋە مەشرەپلىرىنى نەزەرگە ئالماستىن، ئۇخۇۋۋەت–قېرىنداشلىق ۋە شۇئۇر–پاراسىتى بىلەن بىرئۈممەت ئىكەنلىكىنىڭ قەدىرىگە يىتىپ، ھەرىكەت قىلىشلىرىنى ناسىپ قىلغىن!

  يا رەببى! ھەممىمىزنىڭ قەلىپلىرىنى– مۇھەببەتۇللاھ، مۇھەببىتى رەسۇلۇللاھ ۋە مۇھەببىتى كەلامۇللاھ بىلەن قۇۋۋەتلەندۈرۈپ بەرگىن ۋە بۇيسۇندۇرۇپ بەرگىن! ئامىن.

]]> https://nurbuliqi.com/%d9%8a%d8%a7-%d8%b1%db%95%d8%a8%d8%a8%d9%89-%d8%ae%d8%a7%d8%a6%d9%89%d9%86%d9%84%d8%a7%d8%b1%d9%86%d9%89%da%ad-%d8%a6%d9%88%d9%8a%db%87%d9%86%d9%84%d9%89%d8%b1%d9%89%d9%86%d9%89-%d8%a8%db%87%d8%b2/feed/ 0 تەۋەككۇل قىلىش https://nurbuliqi.com/%d8%aa%db%95%db%8b%db%95%d9%83%d9%83%db%87%d9%84-%d9%82%d9%89%d9%84%d9%89%d8%b4/ https://nurbuliqi.com/%d8%aa%db%95%db%8b%db%95%d9%83%d9%83%db%87%d9%84-%d9%82%d9%89%d9%84%d9%89%d8%b4/#respond Wed, 08 Jul 2020 11:29:47 +0000 https://nurbuliqi.com.com/?p=563 ئۈچىنچى نۇقتا:

  ئىمان ھەم نۇردۇر، ھەم قۇۋۋەتتۇر. شۇنداق، ھەقىقىي ئىماننى قولىغا ئالالىغان كىشى كائىناتتىكى ھەممە نەرسىگە قارشى چىقالايدۇ ۋە ئىماننىڭ قۇۋۋىتىگە قارىتا ھادىسىلەرنىڭ بېسىملىرىدىن قۇتۇلالايدۇ. «تەۋەككەلتۇ ئەلاللاھ» (ﷲغا تەۋەككۇل قىلدىم) دەپ ھايات كېمىسىدە مۇستەھكەم ئىشەنچ بىلەن ھادىسىلەرنىڭ تاغدەك دولقۇنلىرى ئىچىدە سەيلە قىلىدۇ. بارلىق ئېغىرلىقلىرىنى چەكسىز قۇدرەت ئىگىسى بولغان ﷲنىڭ قۇدرەت قولىغا ئامانەت قىلىدۇ. راھەت بىلەن دۇنيادىن ئۆتىدۇ. قەبىر ئالىمىدە ئارام ئالىدۇ. كېيىن ئەبەدىي سائادەتكە كىرىش ئۈچۈن جەننەتكە ئۇچالايدۇ. ئەگەردە تەۋەككۈل قىلمىسا، دۇنيانىڭ ئېغىرچىلىقلىرى ئۇچۇشقا ئەمەس، بەلكى ئەسفەلى سافىلىنگە تارتىدۇ.

  دېمەك ئىمان تەۋھىدنى، تەۋھىد تەسلىمنى، تەسلىم تەۋەككۈلنى، تەۋەككۈل ئىككى دۇنيا سائادىتىنى نەتىجە بېرىدۇ. لېكىن خاتا چۈشەنمە. تەۋەككۈل سەۋەبلەرنى پۈتۈنلەي تەرك قىلىش دېگەنلىك ئەمەس. بەلكى سەۋەبلەرنى قۇدرەت قولىنىڭ پەردىسى دەپ بىلىپ ئۇنىڭغا رىئايە قىلىش، سەۋەبلەرنى ئورۇنلاشنى بولسا بىر خىل ھەرىكەت دۇئاسى دەپ قوبۇل قىلىپ، نەتىجىنى پەقەت جانابى ﷲدىن تىلەش ۋە ئۇنىڭدىن دەپ بىلىش، ھەمدە ئۇنىڭغا مىننەتدار بولۇشتىن ئىبارەتتۇر.

  تەۋەككۈل قىلغان ۋە قىلمىغاننىڭ مىساللىرى شۇ ھېكايىگە ئوخشايدۇ:

  بىر ۋاقىتتا ئىككى كىشى ھەم بەللىرىگە، ھەم باشلىرىغا ئېغىر يۈكلەرنى يۈكلەپ، چوڭ بىر كېمىگە بىلەت ئېلىپ چىقىشىدۇ. بىرىسى چىقىپ–چىقمايلا يۈكىنى كېمىگە تاشلاپ، ئۈستىدە ئولتۇرۇپ مېلىغا قارايدۇ. يەنە بىرى ھەم ئەخمەق، ھەم تەكەببۇر بولغانلىقىدىن يۈكىنى يەرگە قويمايدۇ. ئۇنىڭغا ئېيتىشتى:

ــ ئېغىر يۈكۈڭنى كېمىگە قويۇپ راھەتلەن!

ئۇ دېدى:

ــ ياق، مەن قويمايمەن، بەلكىم يوقىلىپ كېتىدۇ. مەن كۈچلۈك، مېلىمنى بېلىمدە ۋە بېشىمدا مۇھاپىزەت قىلىمەن.

يەنە ئۇنىڭغا ئېيتىشتى:

ــ بىزنى ۋە سېنى كۆتۈرگەن سۇلتاننىڭ شۇ ئىشەنچلىك كېمىسى تېخىمۇ كۈچلۈك، تېخىمۇ ياخشى مۇھاپىزەت قىلىدۇ. بەلكىم بېشىڭ قېيىپ يۈكۈڭ بىلەن بىللە دېڭىزغا چۈشۈپ كېتىشىڭ مۇمكىن. ھەمدە بارغانسېرى قۇۋۋىتىڭدىن كېتىسەن، شۇ پۈكۈلگەن بېلىڭ، شۇ ئەقىلسىز بېشىڭ بارغانسېرى ئېغىرلاشقان شۇ يۈكلەرگە تاقەت قىلالمايدۇ. كاپىتانمۇ ئەگەر سېنى بۇ ھالدا كۆرسە، يا سېنى «ساراڭ ئىكەن» دەپ ھەيدەيدۇ، يا «خائىن ئىكەن، كېمىمىزنى پەس كۆرۈپ بىزنى ھاقارەتلەۋاتىدۇ، تۈرمىگە تاشلانسۇن!» دەپ ئەمىر قىلىشى مۇمكىن. ھەمدە ھەممىنىڭ مەسخىرىسىگە ئۇچرايسەن. چۈنكى ساڭا دىققەت بىلەن قارىغانلارنىڭ نەزىرىدە زەئىپلىكىڭنى كۆرسەتكەن تەكەببۇرلۇقۇڭ، ئاجىزلىقىڭنى كۆرسەتكەن غۇرۇرۇڭ، رىيانى ۋە پەسلىكنى كۆرسەتكەن ياسالما ھەرىكىتىڭ بىلەن ئۆزۈڭنى قىزىقارلىق ئەخمەققە ئوخشىتىپ قويدۇڭ. شۇڭا ھەممە ساڭا قاراپ كۈلۈشىۋاتىدۇ،– دېيىلگەندىن كېيىن ئۇ بىچارىنىڭ ئەقلى بېشىغا كەلدى. يۈكىنى يەردە قويۇپ ئۈستىدە ئولتۇردى.

ــ ئۇھ! ﷲ سەندىن رازى بولسۇن. زەخمەتتىن، تۈرمىدىن، مەسخىرىلەردىن قۇتۇلدۇردۇڭ،–دېدى.

  ئەي تەۋەككۈلسىز ئىنسان! مانا سەنمۇ بۇ ئادەمگە ئوخشاش ئەقلىڭنى بېشىڭغا ئال. تەۋەككۈل قىل، شۇندىلا پۈتۈن كائىناتتىكى ھەممە نەرسىگە تىلەمچىلىك قىلىشتىن، ھەر ھادىسىنىڭ قارشىسىدا تىترەشتىن، ماختانچاقلىقتىن، مەسخىرىدىن، ئاخىرەت ئازابىدىن ۋە دۇنيادىكى قىيىنچىلىق تۈرمىسىدىن قۇتۇلىسەن.

ئىنسان

]]> https://nurbuliqi.com/%d8%aa%db%95%db%8b%db%95%d9%83%d9%83%db%87%d9%84-%d9%82%d9%89%d9%84%d9%89%d8%b4/feed/ 0 روزىنىڭ نەفسنىڭ ئەخلاقىنى ياخشىلاش ۋە ئىتائەتسىزلەرچە مۇئامىلىلىرىدىن ۋاز كەچۈرۈشكە قارىغان كۆپ ھىكمەتلىرىدىن بىرىسى https://nurbuliqi.com/%d8%b1%d9%88%d8%b2%d9%89%d9%86%d9%89%da%ad-%d9%86%db%95%d9%81%d8%b3%d9%86%d9%89%da%ad-%d8%a6%db%95%d8%ae%d9%84%d8%a7%d9%82%d9%89%d9%86%d9%89-%d9%8a%d8%a7%d8%ae%d8%b4%d9%89%d9%84%d8%a7%d8%b4-%db%8b/ https://nurbuliqi.com/%d8%b1%d9%88%d8%b2%d9%89%d9%86%d9%89%da%ad-%d9%86%db%95%d9%81%d8%b3%d9%86%d9%89%da%ad-%d8%a6%db%95%d8%ae%d9%84%d8%a7%d9%82%d9%89%d9%86%d9%89-%d9%8a%d8%a7%d8%ae%d8%b4%d9%89%d9%84%d8%a7%d8%b4-%db%8b/#respond Sat, 25 Apr 2020 06:36:30 +0000 https://nurbuliqi.com.com/?p=1160   بەشىنچى نۇقتا: رامىزانى شەرىپتىكى روزىنىڭ نەفسنىڭ ئەخلاقىنى ياخشىلاش ۋە ئىتائەتسىزلەرچە مۇئامىلىلىرىدىن ۋاز كەچۈرۈشكە قارىغان كۆپ ھىكمەتلىرىدىن بىرىسى شۇدۇركى: ئىنساننىڭ نەفسى غەپلەت بىلەن ئۆزىنى ئۇنۇتىدۇ. ماھىيىتىدىكى چەكسىز ئاجىزلىقىنى، چەكسىز پېقىرلىقىنى ۋە چەكسىز دەرىجىدىكى قۇسۇرىنى كۆرەلمەيدۇ ۋە كۆرۈشنى خالىمايدۇ. ھەمدە ئىنتايىن زەئىپ، زاۋال تېپىشقا تەييار ۋە بالا–مۇسىبەتلەرگە دۇچار ئىكەنلىكىنى، تېز بۇزۇلۇپ چىرىيدىغان گۆش ۋە سۆڭەكتىن ئىبارەت ئىكەنلىكىنى ئويلانمايدۇ. گويا پولاتتىن بىر تېنى باردەك، ئۆلمەيدىغاندەك دەرىجىدە ئۆزىنى ئەبەدىي دەپ ئويلاپ دۇنياغا يېپىشىدۇ. قاتتىق بىر ئاچكۆزلۈك ۋە تاماكارلىق، شىددەتلىك ئالاقە ۋە مۇھەببەت بىلەن دۇنياغا ئېسىلىدۇ. ھەر لەززەتلىك ۋە مەنپەئەتلىك نەرسىگە باغلىنىدۇ. ئۆزىنى ئاجايىپ شەپقەت بىلەن بېقىۋاتقان ياراتقۇچىسىنى ئۇنىتىدۇ. ھاياتىي نەتىجىسىنىڭ نېمە بولىشىنى ۋە ئاخىرەتلىك ھاياتىنىڭ قانداق بولىشىنى ئويلانمايدۇ ۋە ناچار ئەخلاقلار ئىچىدە يۇمىلىنىپ يۈرىدۇ.

  رامىزانى شەرىپتىكى روزا بولسا، ھەتتا ئەڭ غاپىل تەكەببۇرلارغىمۇ زەئىپلىكىنى، ئاجىزلىقىنى ۋە پېقىرلىقىنى ھېس قىلدۇرىدۇ. نەتىجىدە ئاچلىق ۋاستىسى بىلەن قورسىقىنى ئويلايدۇ، ئاشقازاننىڭ ئېھتىياجىنى چۈشىنىدۇ. زەئىپ تېنىنىڭ قانچىلىك دەرىجىدە چىرىشكە مەھكۇم ئىكەنلىكىنى ئەسلەيدۇ ۋە نەقەدەر مەرھەمەتكە ۋە شەپقەتكە مۇھتاج ئىكەنلىكىنى ئىدراك قىلىدۇ. نەفسنىڭ پىرئەۋنلىغىنى تاشلاپ پۈتۈنلەي ئاجىزلىقى ۋە پېقىرلىقى بىلەن ﷲنىڭ دەرگاھىغا ئىلتىجا قىلىشقا بىر ئارزۇ ئويغۇنىدۇ، بىر مەنىۋى شۈكۈر قولى ئارقىلىق رەھمەت ئىشىكىنى چېكىشكە تەييارلىنىدۇ. (ئەگەر غەپلەت قەلبىنى بۇزمىغان بولسا.)

]]> https://nurbuliqi.com/%d8%b1%d9%88%d8%b2%d9%89%d9%86%d9%89%da%ad-%d9%86%db%95%d9%81%d8%b3%d9%86%d9%89%da%ad-%d8%a6%db%95%d8%ae%d9%84%d8%a7%d9%82%d9%89%d9%86%d9%89-%d9%8a%d8%a7%d8%ae%d8%b4%d9%89%d9%84%d8%a7%d8%b4-%db%8b/feed/ 0 بىسمىللاھ ھەققىدە ئاۋازلىق ئەسەر https://nurbuliqi.com/%d8%a8%d9%89%d8%b3%d9%85%d9%89%d9%84%d9%84%d8%a7%da%be-%da%be%db%95%d9%82%d9%82%d9%89%d8%af%db%95/ https://nurbuliqi.com/%d8%a8%d9%89%d8%b3%d9%85%d9%89%d9%84%d9%84%d8%a7%da%be-%da%be%db%95%d9%82%d9%82%d9%89%d8%af%db%95/#respond Thu, 26 Sep 2019 07:30:15 +0000 https://nurbuliqi.com.com/?p=29

ئەي بۇرادەر! مەندىن بىر قانچە نەسىھەت خالىدىڭ. سەن بىر ئەسكەر بولغانلىقىڭ ئۈچۈن ئەسكەرلىككە ئائىت تەمسىللەر بايان قىلىنغان سەككىز كىچىك ھىكايە ئارقىلىق چۈشۈندۈرۈلگەن بىر قانچە ھەقىقەتنى نەفسىم بىلەن بىللە ئاڭلا. چۈنكى مەن نەفسىمنى ھەر كىمدىن زىيادە نەسىھەتكە مۇھتاج كۆرىمەن. ئۆز ۋاقتىدا مەن سەككىز ئايەتتىن پايدىلىنىپ چىقارغان «سەككىز سۆز»نى ئۇزۇنراق قىلىپ نەفسىمگە دىگەن ئىدىم، ھازىر ئىخچام شەكىلدە ۋە ئاۋام تىلى بىلەن نەفسىمگە دەيمەن، كىم خالىسا نەفسىم بىلەن بىللە ئاڭلىسۇن.

بِسْمِ اللّٰهِ الرَّحْمٰنِ الرَّحِيمِ
وَ بِهِ نَسْتَعِينُ
اَلْحَمْدُ لِلّٰهِ رَبِّ الْعَالَمِينَ وَالصَّلاَةُ وَالسَّلاَمُ عَلٰى سَيِّدِنَا مُحَمَّدٍ وَ عَلٰى اٰلِهِ وَ صَحْبِهِ اَجْمَعِينَ

بىرىنچى سۆز

   بىسمىللاھ ھەر خەيىرنىڭ بېشىدۇر، بىزمۇ باشتا ئۇنىڭ بىلەن باشلايمىز. بىل ئەي نەفسىم! شۇ مۇبارەك كەلىمە ئىسلامنىڭ ئالامەتلىرىدىن بولغىنىدەك، پۈتكۈل مەۋجۇداتنىڭ ئەھۋال تىللىرى بىلەن قىلىپ تۇرىدىغان زىكرىدۇر. «بىسمىللاھ»نىڭ نە قەدەر تۈگىمەس بىر قۇۋۋەت، نە قەدەر پۈتمەس بىر بەرىكەت ئىكەنلىكىنى بىلىشنى خالىساڭ، شۇ مىسالىي كىچىك ھىكايىگە قارا، ئاڭلا:

  بەدەۋى ئەرەپ چۆللىرىگە ساياھەتكە چىققان كىشى قاراقچىلارنىڭ زىيان سېلىشىدىن قۇتۇلۇپ، ھاجەتلىرىنى تەمىنلىيەلىشى ئۈچۈن بىر قەبىلە رەئىسىنىڭ ئىسمىنى ئېلىشى ۋە ھىمايىسى ئاستىغا كىرىشى كېرەك، بولمىسا ئۆزى يالغۇز چەكسىز دۈشمەن ۋە ئىھتىياجلىرىغا مۇقابىل پەرىشان ئەھۋالغا چۈشۈپ قالىدۇ. مانا مۇشۇنداق بىر ساياھەت ئۈچۈن ئىككى كىشى چۆلگە چىقىدۇ، ئۇلاردىن بىرى كىچىك پېئىل ئىدى، يەنە بىرى بولسا تەكەببۇر… كىچىك پېئىل بولغىنى بىر رەئىسنىڭ ئىسمىنى ئالدى، تەكەببۇر بولغىنى ئالمىدى… ئالغىنى ھەر يەرنى ساق–سالامەت كەزدى. يولكېسەرگە دۇچ كەلسە «مەن پالانى رەئىسنىڭ ئىسمى بىلەن كېتىپبارىمەن» دەيدۇ. قاراقچى چېقىلالماي ئۇزاقلىشىدۇ، بىر چېدىرغا كىرسە شۇ نام بىلەن ھۆرمەتلىنىدۇ. ھېلىقى تەكەببۇر بولغىنى بولسا، پۈتۈن ساياھىتىدە تەرىپ قىلغۇسىز بالالارنى چېكىدۇكى، دائىم تىترەيدۇ، دائىم تىلەمچىلىك قىلىدۇ. ھەم خور ھەم رەزىل بولىدۇ.

   شۇنداق، ئەي تەكەببۇر نەفسىم! سەن شۇ ساياھەتچىسەن، شۇ دۇنيا بولسا بىر چۆلدۇر. ئاجىزلىقىڭ ۋە موھتاجلىقىڭ چەكسىزدۇر ۋە تۈگىمەس دۈشمىنىڭ ۋە ھاجەتلىرىڭ بار. شۇڭلاشقا پۈتۈن كائىناتتىكى ھەممە نەرسىگە تىلەمچى بولۇپ قالماسلىقىڭ ۋە ھەر ھادىسىنىڭ قارشىسىدا تىترەشتىن قۇتۇلۇشۇڭ ئۈچۈن، شۇ چۆلنىڭ ئەبەدى مالىكى ۋە ئەزەلى ھاكىمى بولغان اﷲنىڭ ئىسمىنى ئېلىپ يۈر.

  دۇرست، بۇ كەلىمە شۇنداق بىر مۇبارەك خەزىنىدۇركى، سېنڭ (اﷲ ئالدىدا ھېس قىلغان) چەكسىز ئاجىزلىقىڭ ۋە موھتاجلىقىڭ، سېنى چەكسىز قۇدرەتكە ۋە رەھمەتكە باغلاپ، قادىرى رەھىم بولغان اﷲنىڭ دەرگاھىدا ئاجىزلىقنى، موھتاجلىقنى ئەڭ مەقبۇل شاپائەتچى قىلىدۇ. شۇنداق، ئۇ كەلىمە بىلەن ھەرىكەت قىلغان ئادەم، ئەسكەرلىككە ئېلىنغان كىشىگە ئوخشاش بولۇپ، دۆلەت نامىدىن ھەرىكەت قىلىدۇ، ھىچكىمگە پەرۋا قىلمايدۇ. «قانۇن نامىدىن، دۆلەت نامىدىن» دەيدۇ ۋە ھەر ئىشنى قىلىدۇ، ھەر قانداق ئىشقا تاقابىل تۇرالايدۇ.

   باشتا پۈتۈن مەۋجۇدات ئەھۋال تىلى بىلەن «بىسمىللاھ» دەيدۇ دىگەنىدۇق، شۇنداقمۇ؟
شۇنداق، مىسال، بىر كىشى كېلىپ، پۈتۈن شەھەر ئاھالىسىنى مەجبۇرى ھالدا بىر يەرگە ھەيدەپ ئولارنى ئىشقا سالسا، سەن ناھايىتى ئوچۇق ھالدا چۈشىنىسەنكى ئۇ كىشى ئۆز نامىدىن ۋە ئۆز قۇۋۋىتى بىلەن ھەرىكەت قىلىۋاتمايدۇ، بەلكى ئۇ بىر ئەسكەر بولۇپ، دۆلەت نامىدىن ھەرىكەت قىلىۋاتىدۇ ۋە بىر پادىشاھنىڭ قۇۋۋىتىگە تايىنىۋاتىدۇ. شۇنىڭغا ئوخشاش، ھەر قانداق شەيئى جانابى اﷲ نامىدىن ھەرىكەت قىلىدۇ، زەررىچىلىك ئۇرۇقلار باشلىرىدا يوغان دەرەخلەرنى، تاغدەك يۈكلەرنى كۆتۈرىدۇ. ھەر بىر دەرەخ «بىسمىللاھ» دەيدۇ ۋە رەھمەت خەزىنىسىنىڭ مېۋىلىرىدىن قوللىرىنى تولدۇرۇپ، بىزلەرگە باققاللىق قىلىدۇ. ھەر بىر باغ «بىسمىللاھ» دەيدۇ، گويا اﷲنىڭ قۇدرەت ئاشخانىسىدىكى بىر قازان بولۇپ، ئىچىدە خىلمۇ–خىل لەززەتلىك تائاملار بىللە پىشىرىلىدۇ. ھەر بىر كالا، تۆگە، قوي، ۋە ئۆچكىدەك مۇبارەك ھايۋانلار «بىسمىللاھ» دەيدۇ، اﷲنىڭ رەھمەت فەيزىدىن بىر سۈت بۇلىقى بولۇپ بىزلەرگە رەززاق نامىدىن ئەڭ ئېسىل ۋە پاك، ئابى ھاياتتەك بىر غىزانى تەقدىم قىلىشىدۇ. ھەر بىر ئۆسۈملۈك، دەرەخ، ۋە ئوت–چۆپلەرنىڭ يىپەكتەك يۇمۇران يىلتىزلىرى «بىسمىللاھ» دەيدۇ، قاتتىق تاش ۋە تۇپراقلارنى تىشىپ ئۆتىدۇ. «اﷲ نامى بىلەن، رەھمان نامى بىلەن» دەيدۇ، ھەر نەرسە ئۇنىڭغا باش ئىگىدۇ. شۇنداق، شاخلارنىڭ ھاۋادا يىيىلىپ ئۆسۈشى ۋە مېۋە بېرىشىگە ئوخشاش، ئۇ قاتتىق تاش ۋە تۇپراقتىمۇ يىلتىزلارنىڭ ئىنتايىن ئوڭايلىق بىلەن يېيىلىشى ۋە يەر ئاستىدا مېۋە بېرىشى… ھەم ناھايىتى ئىسسىق ۋاقىتلاردىمۇ نازۇك، يېشىل يۇپۇرماقلارنىڭ ئايلارچە ھۆل پېتى قىلىشى، تەبىئەتچىلەرنىڭ ئاغزىغا شىددەتلىك كاچات ئۇرىدۇ. كور كۆزلىرىگە بارماقلىرىنى تىقىدۇ ۋە دەيدۇ: سەن ئەڭ ئىشەنگەن قاتتىقلىق ۋە ئىسسىقلىقمۇ ئەمىر ئاستىدا ھەرىكەت قىلىدۇكى، ئۇ يىپەكتەك يۇمشاق يىلتىزلار مۇسا ئەلەيھىسسالامنىڭ ھاسىسىدەك

فَقُلْنَا اضْرِبْ بِعَصَاكَ الْحَجَرَ

ئەمرىگە بويسۇنۇپ تاشلارنى پارچىلايدۇ.تاماكا قەغىزىدەك نىپىز، نازۇك يۇپۇرماقلار خۇددى ئىبراھىم ئەلەيھىسسالامنىڭ ئەزالىرىدەك ئوت چاچقان ئىسسىقلىققا قارشى

يَا نَارُ كُونِى بَرْدًا وَ سَلاَمًا

ئايىتىنى ئوقۇيدۇ.

   دېمەك، ھەر نەرسە مەنىۋى جەھەتتىن «بىسمىللاھ» دەيدۇ. اﷲ نامى بىلەن اﷲنىڭ نىمەتلىرىنى ئېلىپ كىلىپ بىزگە بېرىدۇ. بىزمۇ «بىسمىللاھ» دەپ اﷲ نامىدىن بېرىشىمىز، اﷲ نامىدىن ئېلىشىمىز لازىم. ئۇنداقتا، اﷲ نامى بىلەن بەرمىگەن غاپىل ئىنسانلاردىن ئالماسلىقىمىز لازىم.

   سۇئال: باققال ھۆكمىدىكى ئىنسانلارغا بىز بىر ھەق بېرىمىز، ئەجىبا مالنىڭ ھەقىقى ئىگىسى بولغان اﷲ بىزدىن قانداق ھەق تەلەپ قىلىدۇ؟
   جاۋاپ: شۇنداق، ئۇ ھەقىقى نىئمەت بەرگۈچى بولغان اﷲ، ئۇ قىممەتلىك نىئمەتلەر ۋە ماللار ئۈچۈن بىزدىن تەلەپ قىلىدىغان ھەق بولسا ئۈچ نەرسىدۇر. بىرى زىكىر، بىرى شۈكۈر، بىرى پىكىر. باشتا «بىسمىللاھ» زىكىردۇر. ئاخىرىدا «ئەلھەمدۇلىللاھ»شۈكۈردۇر. ئوتتۇرىدا، ئۇ قىممەتلىك ۋە ھەيران قالارلىق سەنئەت ئەسەرلىرى بولغان نىئمەتلەر، ئەھەدى سەمەد بولغان اﷲنىڭ قۇدرەت مۆجىزىسى ۋە رەھمەت ھەدىيەسى ئىكەنلىگىنى ئويلاش ۋە چۈشىنىش پىكىردۇر. بىر پادىشاھنىڭ قىممەتلىك ھەدىيەسىنى ساڭا ئېلىپ كەلگەن بىر مىسكىن ئادەمنىڭ پۇتىنى سۆيۈپ، ھەدىيە ئىگىسى بولغان پادىشاھنى تونىماسلىق نەقەدەر ئەخمەقلىق بولسا، شۇنىڭغا ئوخشاشلا كۆرىنىشتىكى نىئمەت بەرگۈچىلەرنى سۆيۈپ، ھەقىقى نىئمەت بەرگۈچى بولغان اﷲنى ئۇنۇتۇش ئۇنىڭدىن مىڭ ھەسسە ئارتۇق بىر ئەخمەقلىقتۇر.

   ئەي نەفسىم! شۇنىڭدەك ئەخمەق بولۇشنى خالىمىساڭ، اﷲ نامى بىلەن بەر، اﷲ نامى بىلەن ئال، اﷲ نامى بىلەن باشلا، اﷲ نامى بىلەن ئىشلە.

ۋەسسالام

]]> https://nurbuliqi.com/%d8%a8%d9%89%d8%b3%d9%85%d9%89%d9%84%d9%84%d8%a7%da%be-%da%be%db%95%d9%82%d9%82%d9%89%d8%af%db%95/feed/ 0 ئىمان دېگەن نېمە؟ https://nurbuliqi.com/%d8%a6%d9%89%d9%85%d8%a7%d9%86-%d8%af%db%90%da%af%db%95%d9%86-%d9%86%db%90%d9%85%db%95%d8%9f/ https://nurbuliqi.com/%d8%a6%d9%89%d9%85%d8%a7%d9%86-%d8%af%db%90%da%af%db%95%d9%86-%d9%86%db%90%d9%85%db%95%d8%9f/#respond Wed, 17 Jul 2019 08:24:52 +0000 https://nurbuliqi.com.com/?p=1131   ئىمان–سادى تەپتەزانىنىڭ تەپسىرىگە كۆرە: «جانابى ھەقنىڭ خالىغان قۇلىنىڭ قەلبىگە جۈزئى ئىختىيارىنىڭ سەرىپ قىلنىشى يەنى ئۆزى تاللىغاندىن كېيىن ئىلقا قىلغان يەنى قويغان بىر نۇردۇر.» دېيىلگەندۇر. ئۇنداق بولسا ئىمان، ئەزەلى شەمىس بولغان ئاللاھنىڭ ئىنساننىڭ ۋىجدانىغا ئېھسان قىلغان بىر نۇر ۋە بىر شۇئا يەنى يۇرۇقلۇقتۇركى، ۋىجداننىڭ ئىچ يۈزىنى تامامەن نۇرلاندۇرىدۇ. ۋە بۇنىڭ بىلەن، پۈتۈن كائىنات بىلەن بىر ئۈنسىيەت–دوسىتلۇق، بىر ئەمنىيەت–ئامانلىق ۋە خاتىرجەملىك پەيدا بولىدۇ. ھەم ھەممە نەرسىلەر بىلەن كەسبى مۇئارىپە يەنى ئىختىساسلىق شەكىلدە تۇنۇشىدۇ. ھەم ئىنساننىڭ قەلبىدە شۇنداق بىر مەنىۋى قۇۋۋەت ھاسىل بولىدۇكى، ئىنسان ئۇ قۇۋۋەت ئارقىلىق ھەرقانداق مۇسىبەتكە، ھەرقانداق ھادىسىگە قارشى بەرداشلىق بېرەلەيدۇ. ھەم شۇنداق بىر ۋۇسئەت–كەڭ كۇشادىلىك ۋە ئازادىلىك بىرىدۇكى، ئىنسان ئۇ ئازادىلىك بىلەن ئۆتكەن زامان ۋە كىلەچەك زامانلارنى ئۆز ئىچىگە ئالالايدۇ يەنى يۇتىېۋىتىدۇ.

  ئىمان، رەسۇلى ئەكرەم ئەلەيھىسسالاتۇ ۋەسسالامنىڭ تەبلىغ قىلغان دىنى زۈرۈرەتلەرنى تەپسىلاتلىق ھالدە، زۈرۈرىيەتنىڭ غەيرىسىنى يەنى سىرتىدىكىلىرىنى يىغىنچاق تەستىق قىلىشتىن ھاسىل بولغان بىر نۇردۇر. ئىشارەتۇل ئىجاز،(41) ؛

  ئىمان – ئىنساننى سانىي زۇلجەلالىغا نىسبەت يەنى باغلايدۇ.ئىمان بىرئىنتىساپتۇر يەنى بىر باغلىنىشتۇر.

  ئىمان شۇنداق بىر نۇردۇركى، ئىنساننى نۇرلاندۇرىدۇ. ئۈستىدە يېزىلغان پۈتۈن ئىلاھىي خەتلەرنى ئوقۇتىدۇ. شۇنداقلا ئالەمنىمۇ نۇرلاندۇرىدۇ. ئۆتكەن ۋە كېلەچەك زاماننى قاراڭغۇلۇقتىن قۇتۇلدۇرىدۇ.

  ئىمان ھەم نۇردۇر، ھەم قۇۋۋەتتۇر. شۇنداق، ھەقىقىي ئىماننى قولىغا ئالالىغان كىشى كائىناتتىكى ھەممە نەرسىگە قارشى چىقالايدۇ ۋە ئىماننىڭ قۇۋۋىتىگە قارىتا ھادىسىلەرنىڭ بېسىملىرىدىن قۇتۇلالايدۇ. «تەۋەككەلتۇ ئەلاللاھ» (ﷲغا تەۋەككۇل قىلدىم) دەپ ھايات كېمىسىدە مۇستەھكەم ئىشەنچ بىلەن ھادىسىلەرنىڭ تاغدەك دولقۇنلىرى ئىچىدە سەيلە قىلىدۇ. بارلىق ئېغىرلىقلىرىنى چەكسىز قۇدرەت ئىگىسى بولغان ﷲنىڭ قۇدرەت قولىغا ئامانەت قىلىدۇ. راھەت بىلەن دۇنيادىن ئۆتىدۇ. قەبىر ئالىمىدە ئارام ئالىدۇ. كېيىن ئەبەدىي سائادەتكە كىرىش ئۈچۈن جەننەتكە ئۇچالايدۇ.

  دېمەك ئىمان تەۋھىدنى، تەۋھىد تەسلىمنى، تەسلىم تەۋەككۈلنى، تەۋەككۈل ئىككى دۇنيا سائادىتىنى نەتىجە بېرىدۇ.

  ئىمان ئىنساننى ئىنسان قىلىدۇ، ھەتتا ئىنساننى سۇلتان قىلىدۇ. ئۇنداقتا ئىنساننىڭ ھەقىقىي ۋەزىپىسى ئىمان ۋە دۇئادۇر.

  دېمەك، ئىنسان بۇ ئالەمگە ئىلىم ۋە دۇئا ۋاستىسى ئارقىلىق مۇكەممەللىشىش ئۈچۈن كەلگەندۇر. ماھىيەت ۋە قابىلىيەت ئېتىبارى بويىچە ھەر نەرسە ئىلىمگە باغلىق بولۇپ، بارلىق ھەقىقىي ئىلىملەرنىڭ ئاساسى، بۇلىقى، نۇرى ۋە روھى مەرىفەتۇللاھتۇر.(ﷲنىڭ ئىسىم–سۈپەتلىرىنى بىلىشتۇر.) ئۇنىڭمۇ ئاساسى ئۇلى ﷲقا ئىماندۇر.

  ئىمان دۇئانى ئۆزىگە قەتئىي بىر ۋاستە سۈپىتىدە تەلەپ قىلىدىغانلىقى ۋە ئىنساننىڭ يارىتىلىشى دۇئانى شىددەت بىلەن خالىغىنىدەك، جانابى ھەقمۇ «دۇئايىڭلار بولمىسا نېمە ئەھمىيىتىڭلار بار؟» مەنىسىدە ﴿قُلْ مَا يَعْبَؤُا بِكُمْ رَبِّى لَوْلاَ دُعَاؤُكُمْ﴾(فۇرقان:77) دەپ پەرمان قىلىدۇ. ھەم ﴿اُدْعُونِى اَسْتَجِبْ لَكُمْ ﴾(مۇئمىن:60) دەپ ئەمىر قىلىدۇ.

]]> https://nurbuliqi.com/%d8%a6%d9%89%d9%85%d8%a7%d9%86-%d8%af%db%90%da%af%db%95%d9%86-%d9%86%db%90%d9%85%db%95%d8%9f/feed/ 0 ئابدۇللاھ ئىسىملىك مەشھۇر يەتتە ساھابىنىڭ بىرى بولغان ئابدۇللاھ ئىبنى ئۆمەر ھەزرەتلىرى https://nurbuliqi.com/%d8%a6%d8%a7%d8%a8%d8%af%db%87%d9%84%d9%84%d8%a7%da%be-%d8%a6%d9%89%d8%b3%d9%89%d9%85%d9%84%d9%89%d9%83-%d9%85%db%95%d8%b4%da%be%db%87%d8%b1-%d9%8a%db%95%d8%aa%d8%aa%db%95-%d8%b3%d8%a7%da%be%d8%a7/ https://nurbuliqi.com/%d8%a6%d8%a7%d8%a8%d8%af%db%87%d9%84%d9%84%d8%a7%da%be-%d8%a6%d9%89%d8%b3%d9%89%d9%85%d9%84%d9%89%d9%83-%d9%85%db%95%d8%b4%da%be%db%87%d8%b1-%d9%8a%db%95%d8%aa%d8%aa%db%95-%d8%b3%d8%a7%da%be%d8%a7/#respond Fri, 18 Aug 2017 07:02:01 +0000 https://nurbuliqi.com.com/?p=1247   ئالتىنچى نۇقتا: ئىقتىسادچىللىق بىلەن بېخىللىقنىڭ كۆپ پەرقى بار. مەسىلەن: كىچىك پېئىللىق، ناچار ئەخلاق بولغان خوشامەتچىلىكتىن مەنە جەھەتتىن ئايرىم، بىراق كۆرۈنۈشتە ئوخشاپ كېتىدىغان بىر گۈزەل خىسلەتتۇر. ۋە يەنە تەمكىنلىك، يامان خىسلەتلەردىن بولغان تەكەببۇرلۇق بىلەن مەنە جەھەتتىن پەرقلىق، ئەمما كۆرۈنۈشتە ئوخشىشىپ كېتىدىغان گۈزەل خىسلەتتۇر. شۇنىڭدەكلا، پەيغەمبىرىمىزنىڭ ئالىي ئەخلاقىدىن بولغان ۋە بەلكى ﷲنىڭ كائىناتتىكى ھىكمەت نىزاملىرىنى كۆرسىتىدىغان ئىقتىسادچىللىق بولسا، يوقسۇللۇق، پىخسىقلىق، تاماكارلىق ۋە ھېرىسلىقنىڭ بىر ئارىلاشمىسى بولغان بېخىللىق بىلەن ھېچ مۇناسىۋىتى يوق. پەقەتلا كۆرۈنۈشتە بىر ئوخشاشلىق بار. بۇ ھەقىقەتنى قۇۋۋەتلەيدىغان بىر ۋەقە:

  ئابدۇللاھ ئىسىملىك مەشھۇر يەتتە ساھابىنىڭ بىرى بولغان ئابدۇللاھ ئىبنى ئۆمەر ھەزرەتلىرىكى، رەسۇلۇللاھنىڭ خەلىپىسى بولغان فارۇقى ئەئزەم ھەزرىتى ئۆمەرنىڭ (ر.ئە) ئەڭ مۇھىم ۋە چوڭ ئوغلى ۋە ساھابە ئالىملىرىنىڭ ئىچىدە ئەڭ ئۈستۈنلىرىدىن بولغان ئۇ زات بازار ئىچىدە، سودا–سېتىقتا قىرىق تىيىنلىق بىر مەسىلىدە ئىقتىسادچىللىق ئۈچۈن ۋە تىجارەتنىڭ ئاساسى بولغان ئىشەنچ ۋە توغرىلىقنى مۇھاپىزەت قىلىش ئۈچۈن قاتتىق تالاش–تارتىش قىپتۇ. بىر ساھابە ئۇنى كۆرۈپتۇ. زىمىن يۈزىنىڭ شانلىق خەلىپىسى بولغان ھەزرىتى ئۆمەرنىڭ ئوغلىنىڭ قىرىق تىيىن ئۈچۈن قىلغان باھا تالىشىشىنى ئاجايىپ بىر پىخسىقلىق دەپ ئويلاپ قېلىپ، ئەھۋالنى بىلىپ بېقىش ئۈچۈن ئۇ ئىمامنىڭ ئارقىسىدىن مېڭىپتۇ. كۆرۈپتۇكى، ھەزرىتى ئابدۇللاھ مۇبارەك ئۆيىگە كەپتۇ. ئىشىكىدە بىر پېقىر ئادەمنى كۆرۈپ، ئۇنىڭغا بىر نەرسە بىرىپ مېڭىپتۇ. ئاندىن ئۆيىنىڭ ئىككىنچى ئىشىكىدىن چىقىپ، ئۇ يەردە يەنە بىر پېقىر ئادەمنى كۆرۈپتۇ. ئۇنىڭ بىلەنمۇ بىردەم ھايال بولۇپ ئاندىن ئايرىلىپتۇ. يىراقتىن قاراپ تۇرغان ئۇ ساھابە قىزىقىپ، ئۇ پېقىر كىشىلەرنىڭ يېنىغا بېرىپ: «ئىمام سىلەرنىڭ يېنىڭلاردا تۇردى، نېمە ئىش قىلدى؟» دەپ سوراپتۇ. ھەربىرى دەپتۇ: «ماڭا بىر تىللا بەردى». ئۇ ساھابە: «سۇبھاناللاھ! بايا بازاردا قىرىق تىيىن ئۈچۈن شۇنچىۋالا تالاشقان ئادەم، ئۆيىدە يىگىرمە دىرھەمنى سەزدۈرمەستىن، نەفسىنىڭ تولۇق رازىلىقى بىلەن بەرگەنلىكى ئەجەبلىنەرلىكقۇ؟» دەپ ئويلاپ ھەزرىتى ئابدۇللاھ ئىبنى ئۆمەرنىڭ قېشىغا بېرىپ: «ئى ئىمام، بۇ مۈشكۈلۈمنى ھەل قىل، سەن بازاردا مۇنداق قىلدىڭ، ھەم ئۆيۈڭدە شۇنداق قىپسەن»-دەپتۇ. ئۇ ئۇنىڭغا جاۋابەن: «بازاردىكى ۋەزىيەت ئىقتىسادچىللىقتىن، كامالى ئەقىلدىن، ئېلىم–سېتىمنىڭ ئاساسى ۋە روھى بولغان ئىشەنچ ۋە ساداقەتنىڭ مۇھاپىزەت قىلىنىشىدىن كەلگەن بىر ھالەتتۇر، پىخسىقلىق ئەمەستۇر. ئۆيۈمنىڭ ئالدىدىكى ۋەزىيەت بولسا قەلبنىڭ شەپقىتىدىن ۋە روھنىڭ كامالىدىن كەلگەن ھالەتتۇر. ئۇ بېخىللىق بولمىغىنىدەك بۇمۇ ئىسراپچىلىق ئەمەس»-دەپتۇ.

  ئىمام ئەئزەم بۇ سىرغا ئىشارەتەن لاَ اِسْرَافَ فِى الْخَيْرِ كَمَا لاَ خَيْرَ فِى اْلاِسْرَافِ دېگەندۇر. يەنى: «خەيردە ۋە ياخشىلىقتا (بىراق لايىق بولغانلارغا) ئىسراپ بولمىغىنىدەك، ئىسراپتىمۇ ھېچ بىر خەير يوقتۇر…»

]]> https://nurbuliqi.com/%d8%a6%d8%a7%d8%a8%d8%af%db%87%d9%84%d9%84%d8%a7%da%be-%d8%a6%d9%89%d8%b3%d9%89%d9%85%d9%84%d9%89%d9%83-%d9%85%db%95%d8%b4%da%be%db%87%d8%b1-%d9%8a%db%95%d8%aa%d8%aa%db%95-%d8%b3%d8%a7%da%be%d8%a7/feed/ 0